जळगाव एलसीबी आणि MIDC पोलिसांची मोठी कारवाई!
एमडी (Mephedrone) तस्करीला मोठा हादरा; 62.07 ग्रॅम एमडीसह आरोपी जेरबंद, ₹3.58 लाखांचा मुद्देमाल जप्त
जळगाव : अमली पदार्थांच्या अवैध व्यापाराविरोधात जळगाव जिल्हा पोलीस दलाने पुन्हा एकदा धडक कारवाई करत एम.आय.डी.सी. पोलीस स्टेशनच्या हद्दीत एमडी (Mephedrone) हा घातक अमली पदार्थ जप्त केला आहे. या कारवाईत एक आरोपीला अटक करण्यात आली असून दुसऱ्या आरोपीचा सहभागही तपासात निष्पन्न झाला आहे. पोलिसांनी एकूण 62.07 ग्रॅम एमडी तसेच मोबाईल आणि दुचाकीसह ₹3.58 लाखांचा मुद्देमाल जप्त केला आहे.
31 जुलै 2026 रोजी रात्री 10.40 वाजण्याच्या सुमारास एम.आय.डी.सी. परिसरातील वखार महामंडळ (एफसीआय गोडाऊन), सेक्टर A-14 समोरील रस्त्यावर गस्त घालत असताना संशयास्पद हालचाल करणाऱ्या इसमाला ताब्यात घेण्यात आले. झडतीदरम्यान त्याच्याकडून एमडी (Mephedrone) हा घातक अमली पदार्थ आढळून आला. त्यानंतर आरोपीला अटक करून संपूर्ण मुद्देमाल जप्त करण्यात आला.
अटक आरोपी
इम्रान खान हयात खान (वय 36 वर्षे)
मूळ रा. आडगाव, ता. जळगाव
सध्या रा. करीम नगर, फातिमा नगर, एम.आय.डी.सी., जळगाव.
तपासात निष्पन्न दुसरा आरोपी
रफीक उर्फ गोल्डन
रा. मालेगाव, जि. नाशिक.
(पूर्ण नाव तपासाधीन)
तपासादरम्यान जप्त करण्यात आलेला एमडी हा अमली पदार्थ रफीक उर्फ गोल्डन याने विक्रीसाठी उपलब्ध करून दिल्याचे निष्पन्न झाल्याने त्याच्याविरुद्धही गुन्हा दाखल करण्यात आला आहे.
जप्त मुद्देमाल
🔹 39.06 ग्रॅम एमडी – ₹1,96,000
🔹 11 प्लास्टिक पिशव्यांमधील 9.10 ग्रॅम एमडी – ₹36,000
🔹 18 प्लास्टिक पिशव्यांमधील 13.91 ग्रॅम एमडी – ₹56,000
➡️ एकूण एमडी : 62.07 ग्रॅम
➡️ एमडीची किंमत : ₹2,88,000
याशिवाय, 📱 रिअलमी मोबाईल – ₹20,000
🏍️ हिरो होंडा स्प्लेंडर मोटारसायकल – ₹50,000
➡️ एकूण जप्त मुद्देमाल : ₹3,58,000
कायदेशीर कारवाई
या प्रकरणी एम.आय.डी.सी. पोलीस स्टेशन येथे गुन्हा रजिस्टर क्रमांक 635/2026 अन्वये NDPS Act, 1985 मधील कलम 8(क), 22(क), 29 तसेच बी.एन.एस. कलम 3(5) अंतर्गत गुन्हा दाखल करण्यात आला आहे.
फिर्यादी : स.पो.फौ. अतुल रघुनाथ वंजारी, स्थानिक गुन्हे शाखा, जळगाव.
तपास अधिकारी : पोलीस उपनिरीक्षक दीपक जगदाळे, स्थानिक गुन्हे शाखा, जळगाव.
जळगाव पोलिसांचे आवाहन
अमली पदार्थांविषयी कोणतीही माहिती मिळाल्यास नागरिकांनी निर्भयपणे पोलिसांना कळवावे. समाजाच्या सुरक्षिततेसाठी पोलीस आणि नागरिकांचे सहकार्य अत्यंत महत्त्वाचे असल्याचे पोलिसांनी म्हटले आहे.
