सातपुडा माध्यमिक विद्यालय, नायगाव ता. यावल, जि. जळगाव येथे महाराष्ट्र नवनिर्माण विद्यार्थी सेनेकडून विद्यार्थ्यांच्या सर्वांगीण विकासासाठी लेझीम संच भेट देण्यात आला.
विद्यार्थ्यांमध्ये शारीरिक तंदुरुस्ती, एकात्मता, आणि संस्कृतीबद्दल अभिमान निर्माण व्हावा, पारंपरिक कला-खेळ जपले जावेत, याच उद्देशाने हा उपक्रम राबविण्यात आला.
मनसे अध्यक्ष सन्मा. राजसाहेब ठाकरे यांच्या आशीर्वादाने व मनविसे अध्यक्ष अमितसाहेब ठाकरे यांच्या प्रेरणेतून, तसेच महेश ओवे व संदीप पाचंगे यांच्या मार्गदर्शन व सहकार्यातून हा उपक्रम सफल झाला.
या कार्यक्रमाला महाराष्ट्र नवनिर्माण विद्यार्थी सेना रावेर लोकसभा जिल्हाध्यक्ष कल्पेश पवार, रुपेश तेली, पंकज कोळी उपस्थित होते.
लेझीम स्वीकारताना शाळेचे मुख्याध्यापक योगराज नायडे सर, तसेच उपशिक्षक विकास सूर्यवंशी सर.पी.व्ही.बोबडे सर, .पाकडे सर, श्री.मनोज मोरे सर, .तडवी सर, .वंजारी सर, सर्व शिक्षकवृंद आणि मोठ्या संख्येने विद्यार्थी उत्स्फूर्तपणे उपस्थित होते.
कार्यक्रमात मान्यवरांनी विद्यार्थ्यांना पारंपरिक खेळांचे महत्त्व, शारीरिक व मानसिक आरोग्यासाठी नियमित व्यायामाचे फायदे आणि आपली सांस्कृतिक परंपरा जपण्याचे मूल्य याबाबत अतिशय प्रेरणादायी मार्गदर्शन केले.
लेझीम संच मिळाल्याने विद्यार्थ्यांमध्ये आनंद आणि उत्साहाचे वातावरण निर्माण झाले असून, याचा उपयोग शाळेतील दिंडी, रॅली, क्रीडा स्पर्धा आणि सांस्कृतिक कार्यक्रमांमध्ये मोठ्या उत्साहात केला जाणार आहे.
महाराष्ट्र नवनिर्माण विद्यार्थी सेनेच्या वतीने अशा उपयुक्त व विद्यार्थ्यांच्या हिताचे उपक्रम भविष्यातही सातत्याने राबविण्यात येतील, असे जिल्हाध्यक्ष कल्पेश राजेंद्र पवार यांनी सांगितले.
About the Author
