जळगाव: एकीकडे जिल्ह्यात वाळू ठेक्यांचे लिलाव बंद असल्याने बांधकामे ठप्प आहेत, तर दुसरीकडे जिल्हा प्रशासनाच्या नाकाखालीच म्हणजेच जिल्हाधिकारी कार्यालय परिसरात वाळूचा मोठा ढिगारा दिसून आल्याने आश्चर्य व्यक्त होत आहे. “कायदा सर्वांसाठी समान” असताना, सर्वसामान्यांसाठी दुर्मिळ झालेली वाळू जिल्हाधिकारी कार्यालयाच्या दालनाबाहेर आली कशी, असा सवाल आता उपस्थित केला जात आहे.
प्रशासकीय शिस्तीवर प्रश्नचिन्ह?
जळगाव जिल्हाधिकारी कार्यालयाबाहेरील महाबळ रोड परिसरात आज दुपारी वाळूचा साठा पाहायला मिळाला. विशेष म्हणजे सध्या जिल्ह्यात वाळू उपसा आणि ठेक्यांबाबत अनेक तांत्रिक अडचणी असल्याने अधिकृत वाळू मिळणे कठीण झाले आहे. अशा स्थितीत थेट जिल्हाधिकारी कार्यालयाच्या परिसरात वाळू कोठून आली? ही वाळू कायदेशीर आहे का? आणि जर लिलाव बंद असतील तर या वाळूची रॉयल्टी कोणी भरली? असे गंभीर प्रश्न नागरिक विचारत आहेत.
महत्त्वाचे मुद्दे:
ठिकाण: जिल्हाधिकारी कार्यालय परिसर, महाबळ रोड, जळगाव.
वेळ: बुधवार, २५ फेब्रुवारी २०२६, दुपारी १२:५९.
नेमका प्रश्न: जिल्ह्यातील वाळू डेपो आणि ठेके बंद असताना इतक्या मोठ्या प्रमाणात वाळूचा साठा सरकारी परिसरात कसा पोहोचला?.
नागरिकांची मागणी.
जिल्हाधिकारी कार्यालयातूनच जिल्ह्याचा कारभार चालतो आणि अवैध वाळू उपशावर कारवाईचे आदेश याच कार्यालयातून निघतात. मात्र, इथेच वाळूचा ढिगारा पडलेला असल्याने प्रशासनाच्या कार्यक्षमतेवर संशय व्यक्त केला जात आहे. या प्रकरणाची सखोल चौकशी व्हावी आणि ही वाळू नेमकी कोणी मागवली, याची माहिती प्रशासनाने जाहीर करावी, अशी मागणी आता जोर धरत आहे.
About the Author
